मलेसियामा नेपाली माथि भएको आक्रमणको भिडियो हेर्नु होस्
मलेशियामा वैदेशिक रोजगारीमा गएका नेपाली कामदार र स्थानीय युवाबीच झडप हुँदा तीन जना नेपाली घाइते भएका छन् । घाइते मध्ये एक जना सामान्य उपचारपछि अस्पतालबाट फर्केको र दुई जनाको स्थानीय अस्पतालमा उपचार भइरहेको परराष्ट्र मन्त्रालयले जनाएको छ । नुवाकोट, सामरी गाविस वडा नम्बर ४ का राजु विश्वकर्मा र रौतहट जिल्ला चन्द्रनिगाहपुरस्थित मोहम्मदपुरका रामलाल साहको जोरबारुलस्थित सुल्तान अस्पतालमा उपचार भईरहेको छ ।
साहको हात र खुटटा भाँचिएको र विश्वकर्माको आँखामाथि गहिरो चोट लागेको जनाइएको छ । घटनामा ६ नेपालीको मृत्यु भएको भन्ने हल्ला निराधार भएको भन्दै प्रवक्ता थापाले सो घटनामा कसैको पनि मृत्यु नभएको स्पष्ट पारे ।
थापाले मलेसियाको जोहोर बारुस्थित नेपाली कामदारहरु बस्ने एउटा होस्टेलमा नौ वर्षदेखि अवैध रुपमा बस्दै आएका एक नेपाली र वैधानिक रुपमा बस्ने नेपाली कामदारहरुबीच भनाभन भएको बताए । त्यसपछि अवैध रुपमा बस्दै आएका नेपालीले स्थानीय युवाहरु ल्याएर होस्टेलमा बस्ने नेपालीहरुलाई कुटाएको थाहा भएको प्रवक्ता थापाले जानकारी दिए ।
घटनामा संलग्न १० जना नेपाली र दुई जना स्थानीय युवा पक्राउ परेको थापाले जानकारी दिए । पक्राउ पर्ने नेपालीहरुमा सन्तोष पौडेल, रमेश बहादुर भुजेल, रकम राई, मनोज सुनार, नीलकण्ठ जैशी, दलबहादुर बम्बो, पवन साह, र राकेश राय रहेका छन् । उनीहरुलाई आज स्थानीय अदालतमा पेश गरिएको र जोरबारुस्थित प्रहरी स्टेशनमा राखिएको बताइएको छ ।
भिडियो हेर्न तल क्लिक गर्नुस् ....
|
|
