निर्देशक दीपा बस्नेतले निर्देशन गरेको चलचित्र ‘अन्तराल’ जेठ ३ गतेबाट प्रदर्शनमा आउँदैछ । गाउँबाट थुप्रै सपना बोकेर काठमाण्डौ छिरेका युवाहरुको कथालाई सिनेमाले उठान गरेको छ । जीवनसाथी फिल्मस्को ब्यानरमा तयार भएको चलचित्र ‘अन्तराल’ मा कमलमणी नेपाल, आशिष्मा नकर्मी, अमितेश शाह, राजकुमार पुडासैनी, लोकेन्द्र लेखक, मानव सुवेदी,उज्जवल शर्मा, नम्रता सापकोटा लगायतका कलाकारले अभिनय गरेका छन् ।सिनेमाले जीवनमा थुप्रै उतारचढाव आउँछ र त्यो नै एउटा जीवनको कलर हो भन्ने बिषयलाई देखाउन खोजेको छ । केही म्यूजिक भिडियो निर्देशन पश्चात दीपाले फिल्म निर्देशनमा हात हालेकी हुन् । चलचित्रको निर्माण युनिटले फिल्मको स्लोगन ‘कलर अफ लाइफ’ राखेको छ ।
|
|
