११ वैशाख, कैलाली । डडेल्धुरामा भएको सवारी दुर्घटनामा २ जनाको मृत्यु भएको छ। २० जना घाइते भएका छन् । कैलालीको टिकापुरबाट अछामको साफेबगर जादै गरेको ना ४ ख ३६०९ नम्बरको कर्णाली रिभरको यात्रुबाहक बस डडेल्धुराको अमरगढी नगरपालिका ११ सल्लाघारीमा दुर्घटना हुँदा अछाम भागेश्वर-७ का रमेश बोहरा, कैलाली टिकापुर नगरपालिका-१ की हिमा बोहराको मृत्यु भएको जिल्ला प्रहरी कार्यालयले जनाएको छ
घाईते मध्ये तीन जनाको अवस्था गम्भीर रहेको छ ।
गम्भीर घाईतेलाई थप उपचारका लागि नेपालगञ्ज रेफर गरिएको टिम अस्पताल डडेल्धुराले जनाएको छ ।
१७ जनाको टिम अस्पतालमा उपचार भईरहेको छ । गम्भीर घाईते कैलाली टिकापुर-९ का प्रेम दाश, अछाम बैला-८ का दानसिंह बिष्ट र अछाम बिन्दाबासिनी-१ की नन्दा खड्काकलाई नेपालगञ्ज मेडिकल कलेजमा रेफर गरिएको हो । दुर्घटनाका बारे अनसुन्धान भईरहेको प्रहरीले जनाएको छ ।
|
|
