पछिल्लो जनआन्दोलनका बलमा स्थापित लोकतन्त्र दिवस मनाउने क्रम सातौँ वर्षमा प्रवेश गरेको छ ।
तत्कालीन संसद्वादी सात दल र नेकपा (माओवादी)बीच बाह्रबुँदे सहमति भएपछि सुरु भएको २०६२/०६३ को उन्नाइसदिने अभूतपूर्व आन्दोलनबाट मुलुकमा आजकै दिन लोकतन्त्र स्थापना भएको थियो । राजाको निरङ्कुश शासनबाट आजित नेपाली जनता विश्वसमुदायलाई चकित तुल्याउने गरी सडकमा उत्री राजतन्त्रलाई जरैदेखि उन्मूलन गरेर त्यही आन्दोलनका रापमा मुलुकमा सङ्घीय लोकतान्त्रिक गणतान्त्रिक व्यवस्था स्थापना गर्न सफल भए ।
तत्कालीन सात राजनीतिक दलको नेतृत्वमा भएको दोस्रो जनआन्दोलनमा व्यापक जनदबाब र २५ जना नेपालीले सहादत प्राप्त गरेपछि निरङ्कुश राजा ज्ञानेन्द्र शाहको सरकार घुँडा टेक्न बाध्य भएको थियो ।
भिडियो हेर तल क्लिक गर्नुस्..
|
|
