५ चैत, सुनसरी । सुनसरीको सोनपुरस्थित अरिहन्त मल्टिफार्इबर्स लिमिटेडमा कार्यरत एक महिला मजदुरको गएराति सामूहिक बलात्कार भएको छ ।
कामका लागी हिडेकी ती महिलालाई शनिबार साँझ स्थानीय दुई युवाले अपहरण गरी उखुबारीमा लगेर तीन घण्टासम्म बलात्कार गरेको पिडित महिलाले प्रहरीसामू बताएकी छिन् । पिडित महिलाले सुनसरी खनार -६ का शिव सरदार र लम्बु भनिने सतन सरदारले आफूलाई अपहरण गरेर उखुबारीमा लगी बलात्कार गरेको बताएकी छिन् ।
ती दुवैलाई बलात्कारको आरोपमा प्रहरीले पक्राउ गरेको छ ।
बलात्कृत महिलाको स्वास्थ्य अवस्था ठीक नभएकाले उपचारका लागि इटहरी पठाइएको जनाइएको छ ।
|
|
