चलचित्र ‘प्ले गर्ल’ मा अभिनय गरेपछि नायिका पेश्ला कटुवाल एकाएक हराइन् । पेश्लाले सिनेमा नखेल्ने बताउँदै आएकी थिइन् । तर फागुन १४ गतेबाट छायांकन सुरु भएको चलचित्र ‘आई एम क्रेजी’ मा पेश्लाले अभिनय गरेकी छिन् ।चलचित्रको छायांकन यतिबेला महेन्द्रनगरको विभिन्न स्थानमा भइरहेको छ । रञ्जित रानाको निर्देशनमा तयार भइरहेको यो सिनेमामा शिवेक सिंहले लगानी गरेका छन् । चलचित्रमा पेश्लाका अलाव दिनेश शर्मा, दिनेश केसी, शिवेक सिंह, तेजा अर्याल, सुरेश चन्द, रोशन ढकाल लगायतका कलाकारको अभिनय छ ।
चलचित्रमा तिन वटा गीत रहेको निर्माणपक्षले बताएको छ । सस्पेन्स कथामा आधारित यो सिनेमाका बिषयबस्तुका बारेमा निर्माणपक्षले केही पनि खुलाउन चाहेन । चलचित्रमा बिमल ढकालको छायांकन, बिकास चौधरीको संगीत छ । चलचित्रको छायांकन २५ दिनमा सकिने बताइएको छ ।
|
|
