काठमाण्डौका मल्टिप्लेक्समा रेजिनाको बर्चस्व

नायिका रेजिना उप्रेतीले प्रस्तुत गरेको पहिलो चलचित्र ‘बरदान’ फागुन २५ गते देशभरका हलमा प्रदर्शनमा आउँदैछ । सिनेमाको प्रदर्शन मिति नजिकिदै जाँदा रेजिनाको ढुकढुकी पनि बढिरहेको छ । बढी भन्दा बढी हलमा सिनेमा प्रदर्शन गर्ने योजनामा रहेकी रेजिनाले काठमाण्डौका मल्टिप्लेक्स हलमा सिनेमा लाग्ने जानकारी दिएकी छिन् ।रेजिनाका अनुसार, यो सिनेमा काठमाण्डौमा बिग सिनेमा, क्यूएफएक्स र एफक्यूबमा लाग्ने पक्का भएको छ । शोभित बस्नेतको निर्देशनमा तयार भएको यो सिनेमालाई कविता श्रेष्ठले निर्माण गरेकी हुन् । सिनेमामा राजेश हमाल, करिश्मा मानन्धर, अर्जुन कार्की, मुकेश ढकाल, रेजिना उप्रेती लगायतका कलाकारको अभिनय छ ।