२० माघ, काठमाण्डौं । महिला हिंसा विरुद्धको आन्दोलन ‘अकुपाई बालुवाटार’ जारी छ । तै पनि सरकार कानमा तेल हालेर बसेजस्तो छ । सरकारलाई व्युँझाउन उनीहरुले के मात्रै गरेनन् ? कहिले सुरुवाल खोलेर बालवाटारमा देखाए त कहिले थाल ठटाए । गुलाव फूल वितरण गरे । तर त्यही सडक दिनहुँ ओहोरदेाहोर गर्ने प्रधानमन्त्रीले यी दृश्य देखे नदेखेझैँ गरे । सुतेकालाई व्यझाँउन सकिन्छ, तर सुतेको अभिनय गरेकालाई व्युझाउन गाह्रो हुने रहेछ । हैरान परेका अकुपाई बालुवाटारका अभियन्ताहरुले तैपनि सरकारलाई व्यझाउन सकिन्छकी भनेर शुक्रबार पुरुषहरुले सारी लगाएर आन्दोलन गरे । यसको अर्थ थियो, ‘महिलाको भूमिकामा आफूलाई प्रस्तुत गर्नु । म्हिलाको भूमिकामा पुरुषलाई प्रस्तुत गर्दा हिंसा कम हुन सक्ने सन्देश दिन खोजेका थिए । आन्दोलनकालाई अगुवाई गरिरहेका जगन्नाथ लामिछानेले भने, ‘महिलाले घरमा गर्ने काममा पुरुषहरुले पनि समान भूमिका निर्वाह गर्ने हो भने महिलामाथि हुने हिंसा कम हुन्छ भन्ने ठानेर यो शैली अपनाएको हो ।’ उनका अनुसार ‘उनी बनेर हेर्दा’ भन्ने सारलाई महसुस गर्दै महिलाको पहिरनमा महिला बनेर आफूलाई भएका पीडा र अन्यायलाई महसुस गरेका हौ ।
