नेपालगन्ज, चैत्र ६ – नेपालगन्ज बस पार्कमा सामूहिक बलात्कारको शिकार भएपछि साथी सस्थाको सेल्टरमा राखिएका एक युवती त्यहीबाट रहस्यमय ढंगले बेपत्ता भएकी छिन् ।
धनगढीकी ती युवती आफै बेपत्ता भएकी हुन वा पारिएको हो ? भन्ने सम्बन्धमा प्रहरीले कुनै अनुसन्धान गरेको छैन । नेपाल बन्दका बेला फागुन २५ गते घर जान यातायातका साधन खोज्दै बसपार्क पुगेकी ती युवतीलाई रोकि राखेका बस भित्र लगेर तीन जनाले बलात्कार गरेका थिए । ती मध्ये २ जना पक्राउ परेका छन, भने एक जना अझै फरार रहेको प्रहरीले जनाएको छ ।
उक्त घटनापछि प्रहरीले ती युवतीलाई संरक्षणका लागि साथी सस्थाको जिम्मा लगाएको थियो । तर सस्थाले राखेको ४ दिनमै युवती वेपत्ता भएको रहस्य खुलेको छ ।
सस्थाकी वार्डेन लता श्रेष्ठले ‘एकै छिन काम छ’ भन्दै बाहिर गएपछि पीडित युवती नफर्किएको बताईन । ती युवतीका ‘परिबारका सदस्यहरुले फोन गरि घर नपठाई दिन र सेल्टरमै राख्नु’ भनेपछि राखेको श्रेष्ठको भनाई छ ।
यस अघिपनि उक्त सस्थाले संरक्षण जिम्मा लिएकी एक किशोरी सेल्टरबाट वेपत्ता भएकी थिईन । आमा,बाबु र घर खोज्दै नेपाल र्फकदा लखनउमा हराएकी आरती (शिवानी) शाही भारतबाट उद्धार गरि घर परिबारलाई बुझाउन ल्याएको तीन दिनमै साथी सस्थाबाट पुन बेपत्ता भएकी हुन । २०६८ साउन ४ गते उक्त सस्थाबाट हराएकी १४ बषिर्र्या आरतीको अबस्था अझै अज्ञात छ ।
|
|
