चलचित्र ‘रक्षा’ मा समावेश उत्तेजक दृश्यहरुले बजार तताइरहेका छन् । तर चलचित्र सेन्सर बोर्डले भने ‘रक्षा’ को पोष्टरमा नै आपत्ती जनाएको छ । नायिका पुजना प्रधान र अशोक फुयाँल बिचको बेड सिनको दृश्य हटाएर निर्माणपक्षले नयाँ पोष्टर बनाइएको छ ।
चलचित्रको सेन्सर शुक्रबार हुँदैछ । निर्देशक राजु गिरीले सेन्सरले पोष्टर नै परिवर्तन गर्न भनेपछि नयाँ तयार पारेको बताए । पबन बस्नेतको निर्माणमा तयार भएको यो सिनेमामा राजेश हमाल, पुजना स्त्रि, सारिका घिमिरे, सुशान्त कार्की, अशोक फुयाँल लगायतका कलाकारको अभिनय छ ।
चलचित्रको पोष्टर परिवर्तन नगरेसम्म सेन्सर बोर्डले सिनेमाको सेन्सर नै नगर्ने बताएपछि नयाँ बनाएको निर्देशक गिरीको भनाई छ । चैत्र ९ गतेबाट प्रदर्शनमा आउन लागेको यो चलचित्रमा अर्जुन पोखरेलको संगीत छ । यो चलचित्र काठमाण्डौका सम्पुर्ण मल्टिप्लेक्स हलमा चल्ने पक्का भएको निर्माणपक्षले जानकारी दिएको छ ।
|
|
