पोथी माकुरोलाई देखेपछि कवि बने हमाल (भिडियो)

चलचित्रको पर्दामा सेक्सलाई सांकेतीक रुपमा पनि देखाउन सकिन्छ । निर्देशक उकेश दाहालले निर्देशन गरेको चलचित्र ‘किन किन’ को प्रोमोमा यस्तै कुराको संकेत गरिएको छ । केहि दिन अघि मात्र  सार्वजनिक गरिएको प्रोमोमा नायक हमालले कविता बाचन गरिरहेको सुन्न सकिन्छ । जहाँ पोथी माकुरोले लामो जालोको घेरा कोरेको छ ।‘तन बुढो भएपनि मन बुढो हुदैन’ भन्ने भाव बोकेको ‘किन किन’ को निर्माणपक्षले सार्वजनिक गरेको पहिलो प्रोमोमा नायक राजेश हमाललाई कविको रुपमा चित्रित गरिएको छ । फागुन २५ गतेबाट देशभरका हलमा एकसाथ प्रदर्शनमा आउन लागेको यो चलचित्रमा हमालका अलवा करिश्मा मानन्धर, राज तिमिल्सिना, शशी खड्का, नव नायिका अरुणिमा लामा, सुभाष थापा लगायतका कलाकारको अभिनय छ । चलचित्रको माघ २ गते काठमाण्डौको जय नेपाल हलमा च्यारेटी शो समेत गरिनेछ ।
 चलचित्रको पहिलो प्रोमो सामान्य खालको भएपनि यसले चलचित्रको सिंगो भाव बोक्ने निर्देशक उकेश दाहालले बताए । चलचित्रको यो प्रोमोले सिनेमाको बारेमा दर्शकमा कौतुहलता समेत जगाउने छ । भिडियो हेर्न त क्लिक गर्नुहोस