हुनत अंग्रेजी नयाँ बर्षले नेपालीको क्यालेन्डरलाई फेर्दैन । नेपालीहरुको उमेरमा समेत बृद्धि गर्दैन । तर पनि पछिल्ला केही बर्ष यता अंग्रेजी नयाँ बर्षको उमंगले नेपालीलाइ समेत छपक्कै छोएको छ । यसैले पनि होला देशका पाँच तारे होटलदेखि सामान्य रेष्टुरेन्टमा समेत विभिन्न कार्यक्रमको आयोजना हुदैछन् । सन् २०१२ को आज अन्तिम दिन हो । मंगलबारबाट सन् २०१३ सुरु हुने भएकाले पनि नेपालीहरु विभिन्न कार्यक्रमको आयोजना गर्दै नयाँ बर्षको स्वागत गर्दैछन् । आखिर सोमबार कहाँ कहाँ कस्ता कार्यक्रमको आयोजना हुदैछन्, हामीले केही महत्वपुर्ण कार्यक्रमको जानकारी यहाँ प्रस्तुत गर्दैछौ ।१. होटल अन्नपुर्ण
काठमाण्डौको मुख्य गन्तव्यस्थल मानिने दरबार्गमा रहेको ‘होटल अन्नपुर्ण’ मा आज विशेष कार्यक्रमको आयोजना हुदैछ । बेलुकी ७ बजेबाट सुरु हुने कार्यक्रम नायिका प्रियंका कार्की र औरा गुरुङले संचालन गर्दैछन् । कार्यक्रममा डीजे गिरिश, डीजे जेन होल्मो, डीजे सुरज र डीजे राजुले नचाउदैछन् । कार्यक्रममा पुर्व मिस नेपाल माल्भिका सुब्बाको समेत उपस्थिती रहने बताइएको छ ।
२. होटल साग्रिला लाजिम्पाट स्थित ‘होटल सागि्रंला’ मा सोमबार बेलुकी ८ बजेबाट ‘अभय एन्ड द स्टिम इन्जन्स’ व्यान्डले धमाका मच्चाउने तयारी गरेको छ । यो कार्यक्रममा प्रवेश गर्नका लागि जोडीले ७९९९ र सिंगल व्यक्तिले ४९९९ रुपिया खर्च गर्नुपर्ने छ ।
३. लोरी रेष्टुरेन्ड एन्ड बार झम्सिखेलमा अवस्थित यो रेष्टुरेन्डमा सोमबार बेलुकी ७ बजेबाट विशेष कार्यक्रमको आयोजना गरिएको छ । ककटेल सहित आयोजना गरिएको कार्यक्रममा प्रवेश गर्नका लागि ५ सय रुपिया खर्च गर्नुपर्ने छ । यो कार्यक्रममा क्लेफ एक्युष्टिक व्यान्डले मनोरञ्जन दिने बताइएको छ ।
४. होटल याक एन्ड यति काठमाण्डौको अर्को पाच तारे होटल ‘याक एन्ड यति’ ले पनि नयाँ बर्षको अवसर पारेर विशेष कार्यक्रमको आयोजना गर्दैछ । २ हजार २ सय टिकट दर राखिएको कार्यक्रम बेलुकी ८ बजेबाट सुरु हुनेछ ।
५. एयरपोर्ट होटल त्रिभुवन विमानस्थल अगाडि रहेको एयरपोर्ट होटलमा नयाँ बर्षको स्वागतका लागि विशेष कार्यक्रमको आयोजना हुदैछ । बेलुकी साढे ७ बजेबाट सुरु हुने कार्यक्रममा विभिन्न व्यान्डका प्रस्तुतीका साथमा डिजे रबले नचाउने तयारी गरिरहेका छन् ।
६. एभरेष्ट होटल काठमाण्डौको बानेश्वरमा रहेको पाच तारे होटल ‘एभरेष्ट’ मा आज निमा रुम्बा, अशुसेन लामाका साथमा डीजे माहाकालको धमकेदार प्रस्तुती रहने छ । नायिका क्षितिजा शाक्यले नृत्य गर्ने कार्यक्रमको संचालन सुष्मा राईले गर्दैछिन् । यो पार्टिमा प्रवेश गर्न जोडिले १२ हजार ९ सय ९९ र सिंगल व्यक्तिले ७ हजार रुपिया खर्च गर्नुपर्ने छ । कार्यक्रम बेलुकी ८ बजेबाट सुरु हुनेछ ।
७ . होटल सोल्टी क्राउन प्लाजा काठमाण्डौको सोल्टीमोडमा अवस्थित ‘होटल सोल्टी’ मा ब्रदर हुड व्यान्ड र डीजे कर्लीको प्रस्तुती रहने छ । कार्यक्रममा प्रवेशका लागि ४ हजार टिकटदर तोकिएको छ । कार्यक्रम बेलुकी ८ बजेबाट सुरु हुनेछ ।
८ . होटल र्याडिसन लाजिम्पाटस्थित ‘होटल र्याडिसन’ मा बेलुकी साढे ६ बजेबाट नयाँ बर्ष विशेष कार्यक्रमको आयोजना गरिदैछ । होटलमा रहेको ‘ओलाइभ गार्डेन’ र ‘द फन क्याफे’ मा दुई कार्यक्रमको आयोजना गरिदैछ । ओलाइभ गार्डेनमा हुने कार्यक्रममा शाहाकारीका लागि ३ हजार र मांसहारीका लागि ४ हजार टिकट दर तोकिएको छ । यस्तै द फन क्याफेमा हुने कार्यक्रममा २७०० टिकट दर तोकिएको छ । १०. ए क्याफे एन्ड लञ्ज धोबिघाटमा रहेको यो क्याफेमा बेलुकी ८ बजेबाट नयाँ बर्ष विशेष कार्यक्रमको आयोजना गरिदैछ । कार्यक्रममा पेपर बोटले लाईफ प्रस्तुती राख्नेछ ।
९ . एटिक बार नायिका नम्रता श्रेष्ठले संचालनमा ल्याएको यो रेष्टुरेन्टमा पनि नयाँ बर्ष विशेष कार्यक्रम आयोजना हुदैछ । कार्यक्रममा प्रवेश शुल्क ५ सय तोकिएको छ ।
१० . गोकर्ण रिर्सोट यस्तै काठमाण्डौको थलीमा रहेको गोकर्ण रिर्सोटमा पनि नयाँ वर्ष विशेष कार्यक्रम हुँदैछ । कार्यक्रममा १९७४ एडीले आफ्नो प्रस्तुती प्रस्तुत गर्नेछन् । कार्यक्रममा डीजे शिशिरका साथमा नायिका रिमा विश्वकर्मा र भीजे प्रेक्षाले आफ्नो प्रस्तुति प्रस्तुत गर्ने छन् । कार्यक्रम प्रवेशका लागि एक जनाको ४ हजार ९ सय ९९ रुपैयाँ, एक जोडीको ७ हजार ९ सय ९९ र बच्चालाई २ हजार ९ सय ९९ रुपैयाँ तोकिएको छ । साँझ साढे सात बजेवाट सुरु हुने कार्यक्रम राति ११ बजेसम्म चल्ने छ ।
११ होटेल रोयल सिंगी राजधानीको दरबारमार्गमा रहेको होटल रोयल सिंगीमा एक विशेष कार्यक्रम हुँदैछ । कार्यक्रममा डीजे लबी म्यान र डीजे फ्लोको दमदार प्रस्तुती रहने छ । कार्यक्रम साँझ ६ बजेवाट सुरु हुँदैछ । कार्यक्रम प्रवेशका लागि एक हजार रुपैयाँ प्रवेश शुल्क तोकिएको छ ।
१४. होटल हिमालय ललितपुरमा रहेको होटल हिमालयमा गायक सिने गुरुङ र टाट्वाका साथमा डीजे उमेशले प्रस्तुति पस्कदैछन् । कार्यक्रम साँझ ७ बजेवाट सुरु हुँदैछ । कार्यक्रम प्रवेशका लागि एक जनालाई ४ हजार ९ सय ९९, एक जोडीलाई ७ हजार ९ सय ९९ र १२ वर्षमाथिका बालबालिकाका लागि २ हजार ९ सय ९९ रुपैयाँ तोकिएको छ ।
१५. होटल द्वारिका बत्तीसपुतलिमा रहेको होटल द्वारिकामा पनि एक भव्य कार्यक्रम हुँदैछ । डिनरसहितको व्यवस्था रहेको कार्यक्रममा लाइभ म्युजिक र नृत्यको मज्जा लिन सकिने छ । कार्यक्रममा प्रवेशका लागि एक जनालाई ६ हजार रुपैयाँ लाग्नेछ भने एक जोडीलाई १० हजार रुपैयाँ लाग्नेछ । कार्यक्रम राती ८ बजेवाट सुरु हुनेछ ।
१६. होटल मल्ल राजधानीको लाजिम्पाटमा रहेको होटल मल्लमा पनि नयाँ वर्षको अवसरमा एकउटा फेसन शोसहित सांगीतिक कार्यक्रम हुँदैछ । कार्यक्रममा इसाडोरा र प्यासन रुबी र्याम्पमा हिड्नेछन् । यस्तै कार्यक्रममा दुबईवाट आएका डीजे मुस्ताफाले आफ्नो प्रस्तुती पस्कनेछन् । कार्यक्रममा साँझ ७ बजेवाट सुरु हुने छ ।
|
|
