१३ पुस, सुर्खेत । आज बिहान सुर्खेतमा भएको बस दर्घटनामा परी मृत्यु हुनेको सनाखत भएको छ । दुर्घटनामा परी सुर्खेत गुमी ४, का केशर शिरिस, दशरथपुर ७, का मानबहादुर गाहा, सुर्खेत कल्याण ८ का चन्द्रकला रावत, लेखफर्सा ९, का थमन मिदुन, दशरथपुर ७, की दीपा ढकाल, दशरपुर ५, का कुमार पौडेल, दशरथपुर ३, की ममता खड्का, नेपाली सेनामा कार्यरत चितवनका राम रानाभाट, गुमी ५, सुर्खेतका राजेन्द्र गुरुङ र दीपेन्द्र गुरुङको मृत्यु भएको प्रहरीले जनाएको छ । दुर्घटनामा परि ज्यान गुमाउने अन्य दुई जनाको भने सनाखत हुन नसकेको प्रहरीले जनाएको छ । शुक्रवार विहान सुर्खेतकै भेडाबारीबाट विरेन्द्रनगरतर्फ आउँदै गरेको ना २ ख ५७ ४१ नम्बरको बस सुर्खेतको दशरथपुर ६, स्थितगम खोला नजिकै दुर्घटना हुँदा १३ जनाको घटनास्थलमै मृत्यु भएको थियो भने १९ जना घाइते भएका थिए । दुर्घटनामा घाइते सवै १९ जनाकै विरेन्द्रनगर अस्पताल उपचार भइरहेको छ । बस सडकवाट झण्डै ५० मिटर तल खसेको थियो ।
|
|
