२६ वैशाख, राजविराज । सप्तरी जिल्लाको सीतापुरमा बिहीबार बिहान आगलागी हुँदा १३ घर जलेर नष्ट भएको छ । स्थानीय सत्यनारायण रामको घरबाट बिहान विद्यु्त् सर्ट भई सुरु भएको आगो गाउँभरि फैलिएपछि १३ घर जलेर नष्ट भएको हो ।
आगोमा परी जयप्रसाद राम, गर्भी राम, मुसहरी राम, परमेश्वर राम, दुखन मोची, नारायण मोची, श्रीप्रसाद राम र रामप्रसाद रामलगायतका १३ घर जलेर नष्ट भएको प्रहरी चौकी महुलीले जानकारी दिएको छ । आगलागीबाट झन्डै आठ लाख बराबरको क्षति भएको प्रहरीको प्रारम्भिक अनुमान छ ।
आगलागीबाट ५८ जना प्रभावित भएका छन् । बारुणयन्त्र, सुरक्षाकर्मी र स्थानीयवासीको सहयोगमा आगो नियन्त्रणमा लिइएको थियो । रासस
|
|
