भक्तपुर, जेठ ४ – भक्तपुरको बालकोट गाविस वडा नं. ५ मा रहेको महेन्द्र शान्ति माध्यामिक विद्यालयका एक शिक्षकले विद्यालयकी छात्राहरु माथि एकवर्ष देखि यौन दुर्व्यहार गर्दै आएको खुलासा भएको छ ।
यौन दुर्व्यहारमा परेका १३ जना छात्राले महानगरीय प्रहरी परिषर भक्तपुरमा पुगेर शिक्षक श्याम कायस्थले पटक पटक यौन दुर्व्यहार गरेको भन्दै उजुरी दिएपछि घटना सार्वजनिक भएको हो । शिक्षक कायस्थलाई आजै प्रहरीले पक्राऊ गरेको छ ।
४ वर्ष देखि कक्षा ६ देखि १० सम्मका छात्रालाई कायस्थले आफूले भनेको नमाने कक्षा र एसएलसीमा फेल गराईदिने भन्दै कसैलाई नभन्न धम्की दिने गरेको छात्राहरुले बताएका छन् ।
कायस्थले आफ्नै क्रियटिभ कम्प्युटर सेन्टरमा एक्लाएक्लै बोलाएर दुर्व्यहार गर्ने गरेको कक्षा १० मा अध्यनरत एक छात्राले बताइन् । आफूहरु दुर्व्यहारमा परेको स्थानीय बाल संरक्षण समितिका ब्यक्तिलाई बताएपछि उनीहरुले सिविस मार्फत छात्रालाई प्रहरी परिषर पुर्याएका हुन् ।
कायस्थले भने विद्यार्थीको पढाई राम्रो गराउन आफूले कडाई गरेकोले फसाउन आरोप लगाएको बताएका छन् ।
|
|
