सिनेमाको निर्माण अघि नै निर्माताहरु प्रचारको नयाँ नयाँ कार्यशैली अपनाउन थालेका छन् । यसैक्रममा स्म्यासिङ एप्पलले निर्माण गर्न लागेको नयाँ चलचित्र ‘टलकजंग भर्सेस टुल्के’ को उत्कृष्ट पोष्टर बनाउने व्यक्तिलाइ १ लाख दिने घोषणा गरिएको छ ।
मोहन डोटेलको निर्माणमा निश्चल बस्नेतले निर्देशन गर्न लागेको यो चलचित्र भदौबाट छायांकनमा जाँदै छ । चलचित्रका लागि कलाकारको छनोट केही दिनमै सुरु हुने निर्माणपक्षले बताएको छ ।
निर्माता डोटेलले चलचित्रका लागि उत्कृष्ट पोष्टर बनाउनेलाई १ लाख दिने घोषणा गरेको जानकारी अनलाइनखबरलाई गराएका हुन् । पूर्णतया कमेडी कथामा तयार हुन लागेको यो चलचित्रलाई दर्शकले मन पराउने विश्वास निर्माणपक्षको छ । स्म्यासिङ एप्पलले यसअघि ‘बधशाला’ निर्माण गरेको थियो ।
स्रोत: अनलाइनखबर
|
|
