नेपाल आउन लागेकी राखी यस्ती छिन..(फोटोफिचर)
बलिउड चलचित्र उद्योगमा आइटम गर्लका रूपमा आफ्नो छुट्टै पहिचान बनाएकी नायीका राखी सावन्तले नेपाली नयाँ वर्षमा राजधानीको दशरथ रंगशाला हल्लाउने भएकी छिन् ।
विपनाज मिडियाले आयोजना गर्न लागेको 'बलिउड म्युजिक एन्ड मस्ती' नामक कार्यक्रममा राखी सावन्तले नाच्नेछिन् । नेपालमा उक्त प्रस्तुती गर्नका लागी राखिसहितको ३१ जनाको टोली शनिबार अपरान्ह राजधानी आइपुग्ने छ । दुई दिनसम्म काठमाडौमा रहने राखीले भिडियोमा म छिट्टै काठमाडौ आउँदैछु, मसँग नाच्नुस् र झुम्नुहोस् समेत भनेकी छिन् ।
उनीसँगै कृष्ण अभिषेक, सुदेश लेहरी, भूमि त्रिवेदी र राजदीपलगायत कलाकारले आफ्नो कला प्रस्तुत गर्नेछन् । यस्तै उक्त कार्यक्रममा नेपाली कलाकारहरुले समेत आफ्ना प्रस्तुति पस्कने छन् । अभिनेत्री प्रियंका कार्की, दिया मास्के, नन्दिता केसी, यसराज र जीतु नेपाल कार्यक्रममा आफ्नो कला प्रस्तुत गर्ने बताइएको छ ।
कार्यक्रमलाई भारतीय दुतावास र चलचित्र विकास बोर्डले साथ दिएको छ । कार्यक्रम हेर्नका लागी १० हजार, १ हजार र ५ सयका टिकट व्यवस्था गरिएको छ । आयोजकका अनुसार बिक्री भएका टिकटमध्ये १५ जनालाई राखीसँग लन्च गर्ने अवसर पाउनेछन् । उक्त कार्यक्रममा २५ हजार दर्शकको उपस्थिति हुने आयोजको विश्वास छ ।
चैत १७ मा हुने भनिएको कार्यक्रम शहीद स्मारक ए डिभिजन सुपर लिग फुटबलका कारण रोकिएको थियो ।
नेपालमा कार्यक्रम प्रस्तुत गर्न आउन लागेकी नायीका राखी सावन्तले धेरै आइटम गीतहरूमा आफ्नो नृत्य प्रस्तुत गरेकी छिन् । निकै हट रूपमा प्रस्तुत भएर उनले विभीन्न आइटम गीतहरूमार्फत चलचित्रलाई समेत हिट बनाएकी छिन् । चलचित्र हिट बनाउने खुबी रहेकी यी नायीकाको सौन्दर्यले पनि निकैलाई तान्ने गर्छ हलसम्म ।
हेरौ यीनै नायीका जो नेपालमा नाच्न आउँदैछिन् उनका केही तस्विरहरू...
|
|
