महिला शिक्षाको अभियान चलाउँदा तालिबानी आक्रमणको निशाना बनेकी पाकिस्तानी युवती मलाला यूसुफजईले आफ्नो अनुभवलाई समेटेर किताब लेख्ने भएकी छिन् ।
यसका लागि उनले करिव ३ लाख अमेरिकी लडरको सम्झौतामा हस्ताक्षर गरेकी छिन् । महिला शिक्षाको अभियान चलाएको भन्दै तालिबानले मलालालाई कबायली इलाकाको स्वातमा आक्रमण गरेको थियो । आक्रमणबाट गम्भीर घाइते भएकी उनलाई बेलायतमा सघन उपचार गरी ज्यान बचाइएको थियो ।
किताबमा आफ्नो मात्र नभई स्कुल जान नपाएकी करोडौं युवतीहरुको कथा उतार्ने मलालाले बताएकी छिद्धन् । किताबको नाम आई एम मलाला अर्थात ‘म मलाला हूँ’ रहेको छ । किताव यसै वर्ष प्रकाशित हुनेछ । किताबको प्रकाशक वाइडेनफेल्ड एण्ड निकोलसनले किताबले उनीमाथि भएको आक्रमणबारे बताउने बताएको छ ।
मलालाले भनेकी छिन्– ‘मलाई विश्वास छ कि यो किताब विश्वभरका मानिसहरु समक्ष पुग्नेछ । उसले उनीहरुलाई थाहा हुनेछ कि केही बच्चालाई शिक्षा पाउन कति मुश्किल छ ।’ शिक्षाबाट बञ्चित ६ करोड बालबालिकाको कथा उतार्ने भन्दै उनले भनेकी छिन्–‘म हरेक युवा युवतीलाई स्कुल जाने अधिकार दिने अभियानको हिस्सा बन्न चाहन्छु ।’ मलाला पछिल्लो दिनमा बेलायतको बर्मिङ्घममा उपचारसँगै अध्ययनमा व्यस्त छिन् ।
|
|
