क्यान्सरमाथि जित हात पारेपछी मार्केटमा फर्कँदै नायीका मनिषा
पाठेघरको क्यान्सरबाट मुक्त भएकी नायीका मनिषा कोइरालालाई भारत नफर्कँदै नयाँ चलचित्रका लागी अफर आएको छ । उनलाई अफर आएको चलचित्र हो मार्केट-२, जुन चलचित्र उनैले अभिनय गरेको मार्केटको नयाँ संस्करण हो ।
निर्देशक जयप्रकाश पनि उनलाई उक्त चलचित्रमा लिनका लागी तयार रहेका छन् । जय प्रकाशले मनिषालाई चलचित्रको स्क्रिप्ट समेत देखाइसकेका छन् भने मनिषाले पनि यसप्रति सकारात्मक प्रतिक्रिया दिएको बताइएको छ ।
मनिषाले स्क्रिप्ट मन पराएको बताउँदै जयप्रकाशले उनी आउने बित्तिकै यसबारे आफुले फेरी कुरा गर्ने र मनिषालाई नै उक्त चलचित्रमा लिने बताएका छन् ।
सन् २००३ मा प्रदर्शनमा आएको चलचित्र मार्केटमा मनिषाले गरेको भुमिकाको सबैले प्रशंसा गरेको बताउँदै उनी आफ्नो लागी भाग्यमानी भएको समेत प्रकाशले बताएका छन् ।
४२ वर्षीय मनिषाको गत डिसेम्बरमा पाठघरको शल्यक्रिया गरिएको थियो ।
उनी अहिले किमोथेरापी लिइरहेकी छिन् भने उनी उक्त किमोथेरापी सकेर आगामी जुलाईमा भारत फर्कने बताइएको छ ।
|
|
