१७ माघ, सिन्धुपाल्चोक । सिन्धुपाल्चोकको लिस्तीकोट ५ मा एक दम्पत्तिको हत्या भएको छ । अज्ञात समूहको आक्रमणमा परी ५६ बर्षका भक्तबहादु प्रधान र उहाँकी ५३ बर्षकी श्रीमती मानकुमारीको ज्यान गएको प्रहरीले जनाएको छ । खाना खाएर सुत्ने तयारी गरिरहेका बेला गएराती अज्ञात समूहले प्रधान दम्पत्तिलाई मुसलले हानेर हत्या गरेको प्रहरीले जनाएको छ । उनीहरुको साथबाट दुई तोला सुन र करिब एक लाख रुपैयाँ नगद लुटेर लगेका छन् । घरमा रहेका तीन मध्ये ११ बर्षका छोरा प्रेमबहादुर प्रधान झ्यालबाट हाम फालेर बाँच्न सफल भएका छन् । हत्याराको खोजी कार्य भईरहेको ईलाका प्रहरी कार्यालय बाह्रविसेका ईन्सपेक्टर विष्णु लामिछानेले जानकारी दिनुभयो ।
|
|
