काठमाण्डौं,असोज २३। प्रधानमन्त्री निवास बालुवाटार घेर्न गएका नेकपा–माओवादीका कार्यकर्ता र प्रहरीवीच भएको झडपमा २० जना घाइते भएका छन्। नेपाली सेनाका महासेनानी राजु बस्नेतलाई सहायक रथीमा बढुवा गरिएको भन्दै माओवादी कार्यकर्ता र पीडित परिवारका सदस्यले प्रदर्शन गरेका हुन्। प्रदर्शनका क्रममा प्रहरीले हस्तक्षेप गरेपछि दोहोरो झडप भएको थियो। प्रहरीको लाठी प्रहारबाट ४ जना प्रदर्शनकारी गम्भीर घाइते भएका छ्न। घाइते हुनेमा नेवा राज्इ समितिका सदस्य रमेशकुमार राई, ई्श्वर विक, धिरज खनाल तथा अम्विका आचार्य रहेका छन्। उनीहरुको टाउकोमा गम्भीर चोट लागेको छ। यस्तै, प्रदर्शनकारीले प्रहार गरेको ढुंगा लागेर एक प्रहरी निरीक्षक सहित ३ जना घाइते भएका छन्। उनीहरुको पनि टाउको र आँखामा चोट लागेको छ। प्रदर्शनकारीले प्रधानमन्त्रीले प्रहरी लगाएर आफूहरुमाथि दमन गर्न खोजेको आरोप लगाएका छन्। विभिन्न अधिकारकर्मी लगायत पीडित परिवारका सदस्यले बढुवा गरेका बस्नेतले गम्भीर मानवअधिकार उल्लंघन गरेकाले उनको बढुवाको निर्णय खारेज गर्न माग गरिरहेका छन्।|
|
