असोज २२ । गैर आवसीय नेपाली संघ(एनआरएन)का अध्यक्ष जीवा लामिछानेले नेपाललाई आत्मनिर्भर बनाउन जलविद्युतको क्षेत्रमा सामुहीक लगानी गर्ने बताउनु भएको छ । आज पूर्वी चितवनको विन्देश्वरी निम्न माध्यमिक विद्यालय पिठुवामा रहेको विन्देश्वरी गामवेशीको चेपाङ घर छात्रवासको भवन शिलन्यास समारोहमा अध्यक्ष लामिछानेले सो कुरा बताउनु भएको हो ।
देश विकासको मेरुदण्ड जलविद्युत भएको भन्दै अध्यक्ष लामिछानेले यसको विकास गर्न देशमा प्रचुर सम्भावना रहेको बताउनु भयो । अध्यक्ष लामिछानेले सयुक्त लगानीमा १ सय मेघावाट सम्मको हाईड्रोपावर निर्माण गर्न सरकार संग सम्झौता भईसकेको जानकारी दिनुभयो । उहा“ले हाईड्रोपावर निर्माणको काम अब केही दिनमा सुरु हुने जानकारी समेत दिनुभयो । नेपालको ७६ औं सुगम जिल्ला भनेर चिनिने चितवनका पहाडी गाविसका कयौं चेपाङ वालवालिकाहरु शिक्षाको ज्यातिवाट बन्चित रहेकाले उनीहरुमा शिक्षा पह“ुच पुयाउने काममा एनआरएन लगानी गर्न ईच्छुक रहेको बताउनु भयो । सो कार्यक्रममा अध्यक्ष लामिछानेले छात्रवास निर्माणको लागि १० लाख रुपैया सहयोगको घोषणा गरि चेक हस्तारन्तरण गर्नुभएको थियो ।
उहाले तीन कोठे चेपाङ छात्रवासको समेत शिलन्यास गर्नुभएको थियो । कार्यक्रममा जिल्ला शिक्षा अधिकारी रमाकान्त शर्मा पौडेलले चेपाङ वालवालिकहरुलाई विद्यालयको पहु“चमा पु¥याउने कार्यक्रममा राज्यले लगानी गर्न नसकेको भन्दै गैर सहकारी संस्गाले त्यसमा सहयोग गर्न आग्रह समेत गर्नु भयो । कार्यक्रममा गामवेशीको चेपाङ घरका संरक्षक केपी किरण शर्मा, सिप्रदियन सहायता संस्थाका प्रतिनिधि चेतनाथ पौडेल, विन्देश्वरी निम्न माध्यमिक विद्यालयका प्रधानाध्यापक भिमप्रसाद खनाल लगायतले वोल्नु भएको थियो । कार्यक्रम गामवेशीको चेपाङ घर तथा विद्यालय व्यवस्थापन समितिका अध्यक्ष रामबहादुर लामाको अध्यक्षतामा सम्पन्न भएको थियो । कार्यक्रममा सिप्रदियन संस्थाले छात्रवासमा रहेका २५ जान दशैको लागि एक एक जोर कपडा प्रदान गरेको सिप्रदियन सहायता संस्थाका प्रतिनिधि चेतनाथ पौडेलले जानकारी दिनुभयो ।
|
|
