दीपेन्द्र लामा- पाटनको भट्टीमा एक रात हाकु काले रक्सी र चुरोट तानिरहेको हुन्छ। एउटा दाह्रीजुंगा भएको मान्छे उसको नजिक आइपुग्छ। हाकुले तुरुन्तै चिन्छ। मखन गल्लीमा ‘शोले' हेरेको हाकुले गब्बर सिंह किन नचिन्थ्यो?
हाकु : गुद इभिनिङ... गब्बरजी।
गब्बर : तपाई को हो?
हाकु : म हाकु काले
गब्बर : ए... मेरो ग्याङमा पनि थियो कालिया।
हाकुः म कालिया होइन। ...लुत'को हाकु काले।
गब्बर : अँ... हो त। मैले पोस्टरमा देखेको थिएँ तपाईको अनुहार।
हाकु : टपाई किन यटा?
गब्बर : म जेल तोडेर लुक्न आएको।
हाकु : टपाईले रामगढ लुत्नु भो, मैले बैंक। टैपनि जेल परिनँ।
गब्बर : एक्लै लुटेको?
हाकु : ग्याङ थियो।
गब्बर : कितने आदमी थे?
हाकु : हामी पाँच जना।
गब्बर : सरी पासा, हिन्दी फुस्किहाल्यो।
- - -
हाकु : ठाकुरलाई किन यी हाट डे डे ठाकुर भन्नुभएको? किन मागेको हाट? खुत्ता मागेको भए... लात्तै लात्ताले हान्दैनथ्यो नि त्यसरी।
गब्बर : अनि उसको पनि हात कोटको बाहुला हो र? मलाई कोर्रै कोर्राले हानिहाल्थ्यो नि।
(हाकुलाई गोप्लेको यो ...कोटको बाहुला'वाला डायलग थाहा छैन, किनकि गोप्लेले यो उसको अगाडि बोलेको होइन)
- - -
हाकु : गब्बरजी, ठाकुरले टपाईसँग बदला लिन किन दुई हिरो पठाएको?
गब्बर : त्यति नि बुझ्दैनौं पासा। उसको दुइटा हात काटिएको थियो नि। दुई हातको ठाउँमा दुई हिरो। बरु बैंक लुट्न चाहिँ किन पाँच जना?
हाकु : अनि हातमा पाँचवता औंला हुँदैन त? पाँच औँला बराबर पाँच लुटेरा।
- - -
हाकु : गब्बजरजी, म ट टपाईको फ्यान हुँ नि।
गब्बर : किन पासा?
हाकु : मलाई डरलाग्दा र भयंकर मान्छेहरू मन पर्छ।
गब्बर : म कसरी भयंकर?
हाकु : किनभने ...सबै आमाले आफ्नो बच्चालाई सुट् सुट् नट्र गब्बर आउँछ' भन्थ्यो रे। हो ट?
गब्बर : खोइ, स्त्रि्कप्ट राइटरले के के लेखिदियो, घोक्नुसम्म घोकेँ।
- - -
गब्बर : पासा। अनि बैंक लुत्ने बेला बिचरा चार जनालाई किन धोका दिएको?
हाकु : नेटाहरूले चाहिँ देश लुत्न तीन करोड जनतालाई धोका दिन हुने। मैले चाहिँ चार जनालाई छकाउन नपाउने?
गब्बर : पासाको दिमागलाई मान्नै पर्छ।
हाकु : त्यसै भन्छु त- बल होइन पासा
डिमाग लगा डिमाग।
- - -
गब्बर : मसँग एउटा मास्टर प्लान छ।
हाकु : अरे... यो त मेरो डायलग होइन?
गब्बर : हो। मलाई थाहा छ।
हाकु : कसरी?
गब्बर : युट्युबमा हेरेको।
हाकु : के हो मास्तर प्लान?
गब्बर : लुट जस्तै फिल्म बनाउने।
हाकु : हा हा हा...। फिल्मको नाम के नि?
गब्बर : ब्रम्हलुट।
हाकु : अरूले दर्ता गरिसक्यो।
गब्बर : त्यसो भए लुट कम्पनी।
हाकु : रिलिज डेट कुर्दैछ।
गब्बर : ल ल... महालुट।
हाकु : सुटिङ हुने भइसक्यो।
गब्बर : जे पर्ला पर्ला। लुट-२।
हाकु : नाइँ। निश्चलले बोर मान्छ।
गब्बर : बहुत याराना लग्ता है। ... सरी फेरि फुत्कियो हिन्दी।
- - -
हाकु : हाम्रो फिल्ममा भिलेन को हुन्छ? हाकु कि गब्बर?
गब्बर : भिलेन हाकु, हिरो गब्बर।
हाकु : हिरोइन।
गब्बर : वसन्ती।
हाकु : होइन, उध्रेको चोली।
गब्बर : होइन वसन्ती।
हाकु : संगत पनि कस्तोसँग गरेछु।
गब्बर : ओइ... चुप लाग। गब्बरको रिसबाट एउटै मान्छे बच्न सक्छ, त्यो हो गब्बर।
हाकु (रिसाउँदै) : सोचेरे बोल धेरै बाँच्लास्।
गब्बर : म्या! आफ्नो देशमा घोक्रो फुलाउँदैमा कोही डन हुँदैन।
हाकु : अबुई। मलाई ट डर पो लाग्यो।
गब्बर : जो डरायो, सम्झनू त्यो मर्यो।
(गब्बरले हाकुको हत्केलालाई आफ्नो हत्केलाले समात्दै टेबलमा ...हात लडाइँ' सुरु गर्यो। दुवै जोरले बल लगाउन थाल्छन्। कहिले गब्बर तल कहिले हाकु, कहिले गब्बर माथि त कहिले हाकु। दुवैका हात एकअर्कामा ठप्प भए पनि रिसको झोक र रक्सीको सुरले दुवैका जिब्रा भने छाडा हुँदैगए।)
हाकु : टुट्
गब्बर : टुट्
हाकु : तैं टुट् टुट्
गब्बर : तेरो शाखा सन्तान टुट् टुट्।
- - -
हाकुः भिड्ने नै हो भने भोलि आइज।
गब्बर : कहाँ आउने?
हाकु : विष्णुमतिको किनार आएर सोध्। बच्चा बच्चाले भन्डिन्छ, हाकु काले कहाँ छ भनेर।
- - -
(गब्बर भोलिपल्ट विष्णुमति किनार पुग्छ। तर सोधे जतिले हाकु काले थाहा छैन भन्छ। गब्बर नाक थुन्दै फोहोरको डंगुरतिर अल्मलिन्छ। उता हाकु काले अज्ञात स्थलको छतमा उभिएको हुन्छ।)
हाकु : काठमाडौं सहर हेर्डा लाग्छ रहर। साला गिड्डै गिड्डको सहर।
|
|
