नायिका सुष्मा कार्की केही समय देखि आफ्नो प्रेमीसँग एउटै घरमा बस्दै आएकी छिन् । तर सुष्माले प्रेमीसँगको रोमान्सको चर्तिकला छायांकन स्थलमा समेत देखाएपछि धेरैलाई अप्ठ्यारो परेको छ ।
भदौ २५ गतेबाट टिकापुरमा छायांकन भईरहेको चलचित्र ‘वार’ मा पनि नायिका कार्कीले यस्तै चर्तिकला देखाएपछि उनले सिनेमाबाट नै हात धुनु परेको छ । छायांकन हुनुभन्दा एक दिन अघि नायिका कार्कीले सिनेमा नखेल्ने भन्दै जिद्दि कसेकी थिइन् । तर निर्माणपक्षले प्लनेको टिकट काटिदिने भन्दै सुष्मालाई मनाउन खोजेको थियो । सुष्माले भने आफु प्लेनमा नआउने भन्दै जिप रिर्जव गराएकी थिईन् । भाद्र २५ गते सुष्मा, उनको प्रेमी र सुष्माका भाई जिपमा टिकापुर पुगेका थिए । जसबापत्त निर्माताले जिपको खर्च २० हजार तिरेका थिए ।
छायांकन प्रारम्भ भएपछि निर्माणपक्षलाई भन्दा कार्कीले आफ्नो प्रेमीलाई वढि समय दिएकी थिईन् । सुष्मा र उनको प्रेमीको चर्तिकला यतिसम्म चल्यो कि, यि दुईले छायांकनमा रहेका ५० जना टोलीलाई मान्छे नै गन्न छोडे । छायांकन स्थलमा प्रेमीसग चल्ने, अंगालो हाल्ने र चुम्बन समेत गर्ने हर्कत सुष्माले देखाउन थालेपछि निर्माण युनिट वाक्य भएको थियो ।दृश्यका बारेमा कुनै छलफल गर्नु परे पनि सुष्माका प्रेमी अघि सर्ने गरेको निर्माता सुवोध भट्टले जानकारी गराए । सुष्मा र उनको प्रेमी होटलको एउटै कोठामा बसेका थिए । निर्माता भट्टले भने, ‘उनीहरुले बियर खाएको पैसा त मैले तिरिन तर उनको प्रेमीको खाना र बसाई खर्च म आफैले बेहोरे । ‘
सुष्माले ड्रेसका बारेमा पनि बारम्बार निहुँ खोज्दै काठमाण्डौ र्फकन धम्की दिने गरेकी थिईन् । आफु टिकापुरमा रहेर सिनेमाको छायांकन गर्न नसक्ने भन्दै नायिका कार्कीले काठमाण्डौ र्फकने धम्की दिएपछि निर्माणपक्षले उनलाई सिनेमाबाट हटाएको हो ।
‘म काठमाण्डौ जान्छु, उत्तै गएर मेरो छायांकन गरौला’ भन्दै सुष्माले निहुँ खोज्न थालेपछि हटाईएको निर्माता भट्टले अनलाईनखबरलाई जानकारी गराए । एकजना व्यक्तिका लागि ५० जना को टिमलाई लिएर म कसरी काठमाण्डौ आउन सक्छु, भट्टले गुनासो पोखे ।
चलचित्रका प्राविधिकहरु पनि सुष्मा देखि आजित भैसकेका थिए । सुष्मालाई निकाल्नुहोस् उनको भुमिकाको पुन छायांकनमा एक पैसा पनि हामी लिदैनौ भन्दै प्राविधिकहरुले निर्मातासँग गुनासो गरेका थिए ।
चलचित्रबाट निकालिएपछि नायिका कार्की र उनका प्रेमी काठमाण्डौतर्फ लागेको निर्माता भट्टले जानकारी गराएका छन् । मुकुन्द भट्टको निर्देशनमा तयार भईरहेको चलचित्र ‘वार’ मा कृष्ण भट्ट, अप्सरा घिमिरे, रमा अर्याल, विनय शर्मा लगायतका कलाकारको मुख्य भुमिका छ । सुष्माले अभिनय गरेका दृश्यहरुको छायांकन पुन गर्ने निर्माणपक्षको भनाई छ । तर उनको ठाउँमा कसलाइ लिने भन्ने बारेमा टुंगो लागिसकेको छैन ।
५० लाखको लगानीमा छायांकन भईरहेको यो चलचित्र ४५ दिनमा सक्ने योजना निर्माणपक्षको छ ।
|
|
