अब ब्याक्टेरियाबाट विद्युत
अहिलेसम्म रसायनबाट व्याट्री बनाइने गरिएकोमा अब जैविक वस्तुबाट समेत व्याट्री बनाउन सकिने भएको छ । बेलायती वैज्ञानिकहरुले बायो व्याट्रीको निर्माणमा महत्वपर्ूण्ा सफलता मिलेको दाबी गरेका छन् । बायो व्याट्री मा ब्याक्टेरियाबाट विद्युत उत्पादन हुन्छ ।
अध्ययनबाट पहिलोपटक के पुष्टि भएको छ भने ब्याक्टेरियालाई धातु तथा लवणकोे सतहमा राखिएमा त्यसको कोषझिल्लीबाट विद्युतप्रवाह सम्भव हुन्छ । यसबाट ब्याक्टेरियालाई सिधै इलेक्ट्रोडमा आबद्ध गर्न सकिने सम्भावनाको ढोका खुलेको वैज्ञानिकहरुले बताएका छन् । यो सँगै सुक्ष्मजैविक इन्धन कोष तथा बायो व्याट्रीको निर्माणको निकै नजिक पुगिएको उनीहरुको दाबी छ ।
इस्ट एन्जिला विश्वविद्यालयका शोधकर्ताहरुले सामुद्रिक ब्याक्टेरिया सेवानेल्ला वनेडेनिसमा अनुसन्धान गरिरहेका छन् । उनीहरुले यो ब्याक्टेरियाको कृत्रिम रुप तयार पारी ब्याक्टेरियाको भित्री भागबाट विद्युत प्रवाह गराउन सफल भए ।
शोधकर्ता टोलीका प्रमुख डाक्टर टम क्लार्क भन्छन्, ब्याक्टेरियाले धातु तथा लवणमा विद्युत प्रवाह गराउन सक्छ र यस्तो विद्युत प्रवाह ब्याक्टेरियाको प्रोटिनमा निर्भर गर्छ ।
उनी भन्छन्, हाम्रो अनुसन्धानले देखाएको छ की प्रोटिनले लवण सतहमा प्रत्यक्ष रुपमा छोएर विद्युत धारा उत्पादन गर्छ । यसको अर्थ ब्याक्टेरियालाई धातु तथा लवणको सतहमा राखी विद्युत प्रवाह गराउन सकिन्छ ।’ यी ब्याक्टेरियालाई सुक्ष्मजैविक इन्धन कोषको रुपमा समेत प्रयोग गर्न सकिने र यिनीहरुको सहयोगमा अन्य जैविक पदार्थको विच्छेदनमार्फ विद्युत उत्पादन गर्न सकिने दाबी उनको छ ।|
|
