.jpg)
३० वैशाख, जाजरकोट । जाजरकोटको खगेनकोट गाउँ विकास समिति वडा नम्बर-६ की २८ वर्षीया रत्नकुमारी विकले झुण्डिएर मृत्युवरण गरेकी छिन् ।
आइतबार बिहान ८ बजे घर नजिकै रुखमा झुण्डिएको अवस्थामा विकलाई फेला पारिएको इलाका प्रहरी कार्यालय खगेनकोट दल्लीले बताएको छ । उनी विगत लामो समयदेखि खगेनकोट गाविस वडा नम्बर- ७ गराईला भन्ने ठाउँमा गोठमा बस्दै आएकी थिइन् । पशुचौपायालाई पाल्न उनी गाविसको वडा-७ मा बस्दै आएको परिवारिक स्रोतले जानकारी दिएको छ ।
उनका दुई छोरा र एक छोरी रहेका छन् । विकको माइती घर रग्दा गाविसको वासकोटमा रहेको छ । उनका श्रीमान् हरिबहादुर नेपाली कृषि पेसा गर्छन् । यसअघि पनि विक दम्पतीले गरिबीका कारण पटकपटक आत्महत्या गर्ने प्रयास गरेका इलाका प्रहरी कार्यालय दल्लीले बताएको छ । विक दम्पती गरिबी कारण डोल्पामा पाइने यार्सागुम्बा सङ्कलनका लागि डोल्पा जाने तयारी रहेको बताइन्छ । रासस
|
|
