नायिका वेनिशा हमाल र नायक सौगात मल्लको जोडी अब जम्ने भएको छ । पहिलो पटक पर्दामा सँगै देखिन लागेका यि दुइले अभिनय गर्न लागेको सिनेमाको नाम तय भैसकेको छैन । सागर लामिछानेको निर्देशनमा तयार हुन लागेको चलचित्रको नाम ‘ताण्डब’ वा ‘बस्ती’ रहने बताइएको छ ।नायिका वेनिशा हमालले अनलाइनखबरसँग भनिन्, ‘सौगात मल्लसँग काम गर्न पाउँदा निक्कै खुशी लागेको छ ।’ उनले आफ्नो भुमिकाको बारेमा भने अहिले नै भन्न गाह्रो रहेको प्रतिक्रिया दिइन् ।
चलचित्रको छायांकन वैशाखको अन्तिम साताबाट सुरु हुनेछ । मदरासी सिनेमाको झल्को दिने यो चलचित्रमा सौगात याक्सन हिरोको रुपमा देखिदैछन् । चलचित्रमा सौगात आफ्नो बस्ती र त्यहाँका वासिन्दालाई जोगाउन हरेक प्रकारको जोखिम मोल्न तयार हुनेछन् ।
सौगात मल्ल र वेनिशा हमालका लागि नै यो चलचित्रको बिषयबस्तु नयाँ हुने देखिएको छ ।
source: अनलाइनखबर
|
|
