काठमाडौं, चैत ३० – ‘विश्वले चिन्नेछ नेपाल’ भन्ने नारा सहित विश्व रेकर्ड राख्न सञ्चालित टेलिभिजन टक शो काठमाडौंमा जारी छ ।
पूर्व सञ्चारकर्मी रवि लामिछानेले न्यूज 24 टेलिभिजनमा सञ्चालन गरिरहेको टक शो कार्यक्रम भोलि ६० घण्टा पुगेपछि सम्पन्न हुने छ ।
बिहीबार बिहान साढे १० बजेदेखि जारी लङ्गेस्ट म्याराथन टेलिभिजन टक शो एकीकृत नेकपा माओवादीका अध्यक्ष पुष्पकमल दाहाल प्रचण्डको अन्तर्वार्ताबाट सुरु भएको हो । हालसम्मको सबैभन्दा लामो टेलिभिजन कार्यक्रम ५२ घण्टाको छ ।
वुद्ध नेपालमा जन्मिएका हुन् भन्ने सन्देश विश्वभर फैलाउन उहाँले विश्वको सबैभन्दा लामो टेलिभिजन कार्यक्रम थाल्नुभएको हो । कार्यक्रम निरिक्षणका लागि गिनिज बुक अफ वल्र्ड रेकर्डसका प्रतिनिधि काठमाडौं आएका छन् ।
एक घण्टामा प्रस्तोता लामिछानेले पाँच मिनेट छुट्टी पाउँछन् । कार्यक्रममा खेलाडी, कलाकार राजनीतिज्ञ, व्यापारी लगायतलाई अतिथिका रुपमा निम्त्याइएको छ ।
कुनै बेलाका चर्चित टेलिभिजन प्रस्तोता ३६ वर्षिय लामिछाने अमेरिकाको बाल्टिमोरमा रहेको एक रेस्टुरेन्टमा व्यवास्थापक छन् ।|
|
