११ वैशाख, काठमाण्डौ । पछिल्लो समय सरकारी जागिरप्रतिको आकर्षण बढ्दै जाँदा बजारमा लोकसेवा आयोगको परीक्षा तयारीका लागि विभिन्न सामाग्री थपिँदै गएका छन् । लोकसेवा आयोगको विभिन्न तह तथा पदका परीक्षार्थीका लागि भन्दै कैयौँ पुस्तक तथा पत्रिकाहरु बजारमा रहेका बेला एक अर्को नयाँ सामाग्री पनि थपिएको छ ।
निजामती सेवामा आबद्ध केही युवाहरुले ‘सारथी दर्पण’ नामक मासिक पत्रिका बजारमा ल्याएका छन् ।
पत्रिकामा भर्खरै पाठ्यक्रम परिवर्तन गरिएको शाखा अधिकृत देखि नायब सुब्बा र खरिदार पदका पाठ्यक्रमसँग सम्बन्धित विषयवस्तुका साथै समसामयिक विषयवस्तु, ऐन नियमबारे जानकारीका साथै बौद्धिक परीक्षण र विषयगत अभ्यासलाई महत्व दिइने दाबी प्रकाशकको छ । ‘सारथी दर्पण’ हरेक महिनाको पहिलो हप्ता बजारमा आउनेछ ।
|
|
