‘चोलीको नाप हेर हात न बित्ता’ (भिडियो)
वैशाख २७ गतेबाट प्रदर्शनमा आउन लागेको चलचित्र ‘ब्ल्याकनाइट’ का केही संवादहरु अहिले चर्चामा छन् । ‘पोथी होइन हामीलाई बाँस्न लागेको भाले चाहियो’ भन्ने संवाद चर्चामा छ । हिराज बाबु गोर्खालीको निर्माणमा तयार भएको यो सिनेमालाई मधुसुदन भट्टराइले निर्देशन गरेका हुन् ।चलचित्रमा सुरज चिलवाल, निशा रिसाल, विक्रम शाह, सुरेश चिलवाल, अनुपा कार्की, रिक्की लामा, अप्सरा घिमिरे, राज न्यौपाने, विकास चापागाई, मोनीका दाहाल, युनिका खड्का लगायतका कलाकारको अभिनय छ । शिवम अधिकारीको पटकथामा तयार भएको यो सिनेमामा चन्द्र पन्तको द्वन्द्व, विकास चौधरी र राजिव शाहको संगीत समावेश छ ।
चलचित्रले महिलाले पनि पुरुषलाई बलात्कार गर्न सक्छन् भन्ने बिषयलाई देखाउन खोजेको निर्माता गोर्खालीले बताए । चलचित्रको चोलीको नाप हेर हात न बित्ता बोलको गीतको भिडियोले पनि अहिले चर्चा पाएको छ । चलचित्रका महिला पात्रहरुले पुरुष पात्रहरुलाई आफ्नो वशमा राख्न यो गीतको नाटक रचेको वुझ्न सकिन्छ..!
|
|
