अमेरिकाको फ्लोरिडामा एक ११ वर्षीय बालकको औला कुकुरले खाइदिएपछी कुकुरले खाएको उक्त औला निकाल्नका लागी ती बालकका बाबुले कुकुरलाई मारेका छन् ।
खेल्दै गर्दा खोरमा रहेको कुकुर छेऊ पुगेका ११ वर्षीय बालकको देव्रे औला कुकुरले चपाइदिएको थियो । कुकुरले औला खाइदिएपछी चिच्याएको छोराको आवाज सुनेर त्यहाँ आइपुगेका ती बालकका बाबुले कुकुरलाई मारिदिएका थिए । उनले उक्त कुकुरलाई मारेर कुकुरको पेट चिरेर आफ्नो छोराको कुकुरले खाएको औला निकालेका थिए । त्यसपछी मात्र उनले हेलिकप्टर बोलाएर छोरालाई सेन्ट पिटर्सबर्गको बाल अस्पतालमा पुर्याएका थिए ।
चिकित्सकहरूले उक्त बालकको टुक्रिएको औला जोड्न सक्ने या नसक्नेबारे केही भनेका छैनन् । यता अधिकारीहरूले यस घटनालाई एक दुर्घटनाका रूपमा लिएका छन् । अमेरिकी कानुनमा जनावार मार्नुलाई समेत अपराध मानिन्छ तर यसलाइ एक दुर्घटनाको रूपमा हेरिरहेको बताइएको छ ।|
|
