पुरुषहरुमा क्यान्सरको खतरा बढिरहेको एक अध्ययनले देखाएको छ । बेलायतमा गरिएको अध्ययनले पहिले भन्दा अहिले पुरुषहरु क्यान्सरको सिकार बन्ने दर बढेको देखाएको हो । विशेषज्ञहरुका अनुसार पुरुषहरुमा क्यान्सर हुने खतरा अहिले दोब्बर भएको छ । बेलायती चिकित्सकहरुका अनुसार औषत आयु बढेसँगै क्यान्सरको खतरा पनि चुलिँदैगएको छ । उनीहरुका अनुसार आउँदो १५ वर्षमा पुरुषहरुमा पेट, प्रोस्टेट तथा छालाको क्यान्सरको दर निकै बढ्नेछ । पुरुषहरुको तुलनामा महिलाहरुमा भने क्यान्सरको संक्रमण कम छ । बेलायतमा सन् २०१० मा एक लाख ६० हजार महिला क्यान्सर संक्रमित रहेकोमा सन् २०२७ मा यो संख्या १ लाख ९४ हजार पुग्नेछ । विज्ञहरुका अनुसार पुरुषहरुमा क्यान्सरप्रतिको सचेतनामा कमी रहेको र धेरै पुरुष क्यान्सरको जाँच तथा उपचारका विषयमा लापरवाही गर्ने गरेका छन् । बढि व्यस्त जिवनशैली, धूमपान र मध्यपानको बढी लत लगायतका कारणले गर्दा पुरुषमा क्यान्सरको खतरा बढिरहेको विज्ञहरुको ठहर छ ।
|
|
