नेपालमा के घटना घट्यो ?

१४ औ रानी बन्ने अवसर छाडेर २२ वर्षीय युवती फरार

६ जेठ, लण्डन । दक्षिण अमेरिकी देश स्वाजील्याण्डका राजा मस्वातीको १४ औ रानी बन्न अस्विकार गर्दै एक युवती देश नै छाडेर भागेकी छिन् । २२ वर्षिय युवती तिनत्सवालो नगोबेनले रानी बन्ने अवसर छाडेर बेलायत भागेकी छिन् । राजा मस्वातीको १४ औ रानी बन्न अस्विकार गर्दै उनी बेलायत भागेकी हुन् । मस्वातीका अहिले पनि १३ रानी दरबारमा नै छन् भने उनका २७ सन्तान भइसकेका छन् र १४ औ रानीको रूपमा नगोबेनलाई राजदरबारमा भित्राउन चाहन्थे । तर, उनले यस प्रस्तावलाई अस्विकार गरेकी थिइन् । राजाले जबरजस्ति विबाह गर्ने डरले उनी भागेर बेलायत पुगेकी हुन् । उनी अहिले बेलायतको शरणमा बेलायतमा बसिरहेकी छिन् ।

स्वाजिल्याण्डका राजालाई हरेक वर्ष आफ्नो लागी नयाँ रानी छान्ने अधिकार छ । यहि अधिकारको प्रयोग गर्दै ४५ वर्षीय मस्वातीले नगोबेनलाई छानेका थिए । नगोबेनलाई मस्वातीले उनकै चौथो पत्नीको दरबारमा देखेका थिए । नगोबेनलाई देखेपछी राजाले उनलाई विबाह गर्ने सोच बनाएको थाहा पाएपछी उनी आत्तिएकी थिइन् । नगोबेनलाई देखेपछी राजाले उनलाई सताउन थाले अर्थात् उनलाई विभिन्न बहानामा भेट्न खोज्ने र अनेक किसिमले दु:ख दिइरहन थालेका थिए । नगोबेन त्यहाँ एक बोर्डिङ स्कुल पढाउने पनि गर्थिन् । उनलाई राजाले त्यही आएर पनि जबरजस्ति पत्नी बन्न दवाव दिने गर्न थालेका थिए । पछी उनले बोर्डिङ पनि छाडिदिइन् र उनी बेलायतको शरणमा पुगिन् ।

समाचार

सर्पले लियो पूजारीको ज्यान

६ जेठ, वीरगञ्ज । पर्साको सुवर्णपुरमा गएराति विषालु सर्पको डसाइबाट एक स्थानीय मन्दिरका पूजारीको ज्यान गएको छ । सो गाविसमा रहेको श्री कृष्ण प्रर्णामी मन्दिरका पूजारी लक्ष्मी लामाको विषालु सर्पको डसाइबाट ज्यान गएको स्थानीयवासीले जानकारी दिएका छन् । सुवर्णपुर गाउँबाट मन्दिरतर्फ जाने क्रममा लामालाई सर्पले डसेर उनी गम्भीर घाइते भएका थिए । गम्भीर अवस्थामा रहेका लामालाई उपचारका लागि सुवर्णपुर स्वास्थ्य चौकीमा लगिएकोमा उनको राति नै उपचारका क्रममा मृत्यु गएको स्थानीयवासीले जानकारी दिएका छन् । स्थानीयका अनुसार पछिल्ला दिनमा सो गाविस आसपासमा विषालु सर्पको प्रकोप बढेको छ । प्रचण्ड गर्मीका कारण पनि सर्प प्रकोप बढेको हो । रासस